Azɔ̌kplɔ́nmɛ nú mɛ e nɔ kàn nǔ byɔ mɛ lɛ é bonu ye na xò nǔ lɛ kplé nú nǔkanbyɔmɛ ɖaxó ɔ dó amasin xóxó lɛ jí. Nǔ énɛ́ ɔ́ jɛ sín azǎn 20gɔ́ ɔ́ jɛ azǎn 21gɔ́ ɔ́ sun atɔ́ɔ́ngɔ́ ɔ́ xwè 2024 tɔn mɛ ɖò kpléxɔ e mɛ è nɔ bló dobanúnǔ dó nǔ kpɛví kpɛví e nɔ nyí microbiologie appliquée et pharmacologie des substances naturelles é jí ɖò Wemaxɔmɛ Ðaxó Abomey-Calavi tɔn é.
Nǔ e gbé nya wɛ è ɖè ɖò azɔ̌kplɔ́nmɛ ɔ mɛ é wɛ nyí ɖɔ è ni bló bɔ mɛ e nɔ kàn nǔ byɔ mɛ lɛ é 12 na ɖó hlɔnhlɔn bo na xò nǔ lɛ kplé dó ninɔmɛ e mɛ nǔwiwa lɛ ɖè dìn é, nǔwiwa lɛ kpo linlin e kúnkplá atínkɛ́n lɛ zinzan ɖò amasin Benin tɔn mɛ lɛ é kpo jí.
Ðò taji ɔ, azɔ̌kplɔnmɛ enɛ zɔ́n bɔ mǐ:
1- Na bló bɔ mɛ e è sɔ́ lɛ é na xò nǔ e kúnkplá amasin lɛ é kplé ɖò dotóoxwé xóxó lɛ gɔ́n.
2- Na bló bɔ mɛ e è sɔ́ lɛ é na tuùn nǔkanbyɔwema e è na zán dó xò nǔ lɛ kplé é.
3- D’alɔ mɛ ɖò xókanbyɔ́wema ɔ sín gbè tɛnmɛ tɛnmɛ e è sixu zán dó xò nǔ kplé ɖò azɔ̌watɔ́ xóxó lɛ sín tɛnmɛ é mɛ.